To be or not to be? It's your own choice!

Kabalen, nokarin na ka ngeni?
Biyasa ka pa rin bang magkapampangan kalupa ning dati?
Nung ali na, ena bali
Basta, ing asabi ku mu ala kang kwenta pare!

Mipalawut ka mu, nanu nang milyari?
Mayapa ding aliwa tamung kayabe
Maski makananu biyasa lang dumali
Asabi mu bang, "Kapampangan ku, at pagmaragul ku iti"?
 

Ini ing pinakamumuna kung article keni na kapampangan
Kase apansin ku na kailangan ta ya mu rin balikanan
kung nokarin ing kekatang pibatan
Ali itang pa-ingles ingles ta na ngan.

King sawup na ning website a ini
Sana ikwa yu ing buri kung ipaintindi
Na dapat mas masanting siguru
Nung kapampangan ing gamitan potang mamiling mensahe

Diba mas araramdam tamu ing bawat salita kung makanini?
Mas tatagus king kekatang puso anjang pang eka kapamilya
Ramdam na ramdam ninuman ing mamasa
kabarkada me man o ali ing memili

This poem was made in connection to the celebration of the Philippine Independence Day. Hep hep hep! Makananu milyari ita? ng koneksiyun na?

Para king website a ini, ika kabalen ing bayani! Bakit? Kase, dahil keka kaya atsu ya ing website a ini. Dahil kareng komentu na makasawup para lalu yang mas sumanting ing kekatamung website. At bakit naman po miyabe ing kapampangan king pisasabyan?. Please continue reading.

Please keep on supporting ConcepcionTarlac.com. Ayalala ko po tuluy detang mig-e-mail king kekatamu pong founder na e Mr. Blandino "Dino" Go. Aramdaman ku la pong hustu deta pong sinabi da kase po king kapampangan la po anjang pong ali la po para kaku ing mensahe da. Sabi da po:

"Taksiapo ne, pa-internet internet tanamu eni. Mamasensu naku. Awa, masanting ya ing gagawan mung ini. Ka-okay na. Daratang ing panahon, reng angang tao king Concepcion midinan lang internet, bangkanita etana magastus keng telepano. O sigi na tatara. Angga keni namu, ne."

"Aba, atin tana palang home page. Abe, ituloy me ing gagawan mung home page a ini. Potang muli ku atin nakung pagmaragul. Awa pala, potang kayi sana makakilala kung tiga Concepcion a dalaga kening homepage a ini, bangkanita makapakiyasawa naku. Reng babai keti, eno dalaga, dalana sila. Atsaka reng babaing menibat king Concepcion mas malagula, atsaka mabanglu la pa. O sigi abe, pota datang ne ing boss ku. Taknaydana, anya pala magkulung yang parati keng opicina na, mag-surping U.S.A. ya. Balu ku ung nanu ing susurping na. Ma-ilig ya ing lokung ini. Salamat namu kekang maragul. Emuku kakalingwan, ung ating kang akilalang dalaga tiga Concepcion, pakilala me kanaku. Sabiyan munamu kaya, mabanglu ku munaman."

Diba po bayani la pong aturing? Nang dahil po karela, malawut ne aratang ing ConcepcionTarlacHomepage. Dahil po king suporta da, kya po migluwat tamu pong makanini. Ing tune pong bayani, na ing kabayanihan da po, ramdam tamu po king pusu.

Bawat Kapampangan, Bayani!

Kaya Kabalen, para kekami, ikayu pong bayani!

Home • Contact Us • FAQ • Contact Webmaster • Site Map
Copyright 2005 • Privacy • Concepciontarlac.com